Haqqımızda
ƏMƏLİYYAT Departamenti
Əməliyyat Departamenti bütün əməliyyatlar üzrə hesablaşmaların aparılması, kartların personalizasiyası, kart hesablarının dəstəklənməsini və müxtəlif mübahisəli halların həll olunmasını təmin edir. Departamentin müstəqil bölmələrindən 7 gün 24 saat xidmət göstərən Müştəri Xidmətləri mərkəzini qeyd etmək olar.
Proqramlaşdırma Departamenti
Departament proqramların hazırlanması, təkmilləşdirilməsi və yenilənməsi ilə yanaşı daha əvvəl hazırlanmış proqram təminatının dəstəklənməsi ilə məşğul olur. Departamentin mütəxəssisləri həm şirkətə məxsus məhsullar, həm də şirkətin tərəfdaşları olan banklar, ödəniş platformaları, sığorta şirkətləri və s. üçün proqramlar hazırlayır.
TƏHLÜKƏSİZLİK Departamenti
Təhlükəsizlik Departamenti şirkətimizin bütün təhlükəsizlik məsələləri ilə məşğuldur və bunu yüksək dərəcədə təmin etmə bacarığına malikdir. Departamentdə həm fiziki, həm də məntiqi təhlükəsizlik üzrə peşəkarlar çalışırlar. Həmçinin, göstərilən xidmətlər arasında fırıldaqçılığın aşkarı və qarşısının alınması kimi xidmətlər əsas yerlərdən birini tutur.
STRATEJİ İNKİŞAF VƏ MARKETİNQ DEPARTAMENTİ
Srtateji İnkişaf və Marketinq Departamenti şirkətimizin inkişafı ilə əlaqədar planları və strategiyanı həyata keçirir, bankların sertifikasiyadan keçmələri üçün peşəkar dəstək göstərir. Bununla yanaşı departament pərakəndə ticarət sektoru və müştərilər üçün müxtəlif kart məhsullarının işlənib hazırlanması üzərində ciddi çalışmalar aparır.
İT DEPARTAMENTİ
İnformasiya Texnologiyaları Departamenti şirkətimizin “onurğa sütunudur” və bütün fəaliyyətimiz əsasən bu departamentin ətrafında cəmləşib. Məhz bu departamentin işi ilə texnikanın yeni nailiyyətlərinin və proqressiv texnologiyaların tətbiqi bağlıdır. Ayrıca olaraq proqram inteqrasiyası və müxtəlif mobil əlavələrin yazılması ilə məşğul olan Proqramlaşdırma şöbəsini qeyd edə bilərik.
MÜŞTƏRİ XİDMƏTLƏRİ
Bizim Müştəri Xidmətlərimiz müştərilərimizin tələbatlarını ödəməklə yanaşı onların gözləntilərini qabaqlamaqda effektiv bir alətdir. Şirkətimizin biznes prosesləri ilə inteqrasiyası sayəsində biz müştərilər ilə ünsiyyətin keyfiyyətini daima artırırıq.
YENİ LAYİHƏLƏR
Biz, öz işlərinə bağlı olan və tam məsuliyyətlə çalışan, innovasiya texnologiyalarını tətbiq edən, öz sahələrində ən yaxşı mütəxəssislər olan və gəlirli inkişaf üçün yeni imkanları dəyərləndirən insanlarımıza borcluyuq. Şirkətimizin gələcək inkişafını təşkil edən brend dəyərlərimizi yaratdıq. Bu dəyərlər sayəsində biz, şirkətimiz üçün mühüm bünövrə qura bildik və doğru istiqamətdə cəmləşdik. Bizim missiya və strategiyamız niyyətimiz və inamımızı ümumiləşdirir. Missiyamız hər zaman bacardığımız hər şeyin ən yaxşısını təqdim edəcəyimizə dair vəddir və bizim kim olduğumuzu vurğulayır.
Bizim tariximiz: Biz, öz fəaliyyətimizi kart emalı mərkəzi kimi başlamışdıq. Zamanla, Avropa Yenidənqurma və İnkişaf Bankı daxil olmaqla 18 bankdan ibarət sabit səhmdar strukturlu məhdud məsuliyyətli cəmiyyətə çevrilmişdik.
Korporativ mədəniyyət: Korporativ mədəniyyət bizim üçün şirkətimizin uğur və stabilliyini təmin edən əsas amildir. Bu, bizi birləşdirir, şırkətə olan sədaqətimizi artırır, işimizin məhsuldarlığını yaxşılaşdırır. Biz şirkətimizi əks etdirən və fərqləndirən, bütün üzvləri tərəfindən qəbul edilən ümumi ideya, dəyər və düşüncələr, idarəetmənin norma və metodlarının vahid bir sistemi altında birləşmişik. Şirkətimiz bizim üçün öz xüsusiyyətləri və xasiyyəti olan müstəqil “şəxsiyyətdir.” Bütün komandamız onu çiçəklənən və ayaqlarının üstündə möhkəm duran biri kimi görmək istəyir.
Çalışırıq
Biz əminik ki, hər hansı bir iş avtomobilə bənzəyir – öz gücünə yalnız üzü aşağı hərəkət edəcək. Biz kollektiv idraka inanırıq, amma intellektual şəxsiyyətin dəyəri də bizim üçün dəyişməzdir. Biz iddia edirik ki, vaxtın ən səmərəsiz istifadəsi heç kimsəyə lazım olmayan işin görülməsidir.
Dincəlirik
Biz hesab edirik ki, istirahət və əmək ayrılmazdır, səmərəsiz istirahət isə ən pis işdən daha çox yorucudur. Biz inanırıq ki, güc həm ağılda, həm də əzələlərdə olmalıdır. Buna görə də mənalı istirahət və idmana əhəmiyyət veririk.
Bank Respublika 22 may 1992-ci il tarixdə Azərbaycan Respublikası Milli Bankının lisenziyası əsasında fəaliyyətə başlamışdır və bu illər ərzində Azərbaycanın aparıcı banklarından birinə çevrilmişdir.
Bankın səhmdarları sırasında Almaniyanın 2 nəhəng maliyyə təşkilatı təmsil olunur – KfW bank qrupunun üzvü DEG İnvestisiya Şirkəti və Sparkassen-Finanzgruppe maliyyə qrupunun üzvü Sparkassen International Development Trust. Bu 2 maliyyə təşkilatı 28 aprel 2005-ci il tarixdən etibarən Bankın səhmdar kapitalının “25% + 1 səhm” paketinə sahibdirlər. (AZ100200288P Nominal dəyəri: 2.45 AZN yerləşdirilmiş səhmlərin sayı: 15,290,198)
“Turan” KB Azərbaycan Milli Bankının 12.06.1992-ci il tarixli 60 nömrəli lisenziya əsasında yaradılmışdır və 30.12.1992-ci il tarixli 115 nömrəli lisenziya əsasında milli və xarici valyutada hər cür əməliyyatları aparmağa icazə verilmişdir.
1993-cü ildən uğurla fəaliyyət göstərən AtaBank Azərbaycanın ən böyük kommersiya banklarından biridir. AtaBank yüksək texnologiyalı universal bank hesab olunur və öz korporativ və fərdi müştərilərinə tam xidmətlər kompleksi təqdim edir. O, ölkənin ən etibarlı maliyyə strukturlarındandır.